Ijtimoiy tarmoqlarda Toshkent shahrida bo`lib o`tgan Boks bo`yicha jahon chempionatida ommaviy mushtlashuv bo`lganligi haqidagi xabar tarqaldi.
Ushbu holat yuzasidan IIV axborot xizmati rahbari Shoxrux G`iyosov izoh berdi.
Joriy yilning 13 may kuni Boks bo`yicha jahon chempionatining navbatdagi kuni so`ngida tashkilotchilar tomonidan muxlislarga tekinga charm qo`lqop tarqatish marosimida, muxlislar bir-birlariga navbat bermasdan tartibsiz harakat qilishgan.
"Tadbir tashkilotchilari tomonidan qisqa fursatda tartib tiklanib, jamoat tartibini buzilishiga yo`l qo`yilmagan", — deyiladi IIV Axborot xizmati xabarida.
