Ijtimoiy tarmoqlarda piyodalar o`tish joyida ayolni mashina urib yuborgan video tarqaldi.
Qayd etilishicha, joriy yilning 13 aprel kuni soat 10.50 larda Yashnobod tumani Mahtumquli ko`chasida 2002 yilda tug`ilgan R.I. boshqaruvida bo`lgan "Lacetti" rusumli avtomashinasida tartibga solinmagan piyodalar o`tish joyidan yo`lni kesib o`tayotgan piyoda 1976 yilda tug`ilgan U.E. ni urib yuborishi oqibatida yo`l transport hodisasi sodir bo`lgan.
YTH natijasida piyoda tan jarohat olib shifoxonaga yotqizilgan.
Mazkur holat yuzasidan Toshkent shahar IIBB Tergov boshqarmasi tomonidan O`zbekiston Respublikasi Jinoyat kodeksining 266-moddasi 1-qismi bilan jinoyat ishi qo`zg`atilgan.
Tergov davom etmoqda.
