Ijtimoiy tarmoqlarda Olmazor tumanidagi maktablardan birida o`quvchilarning mushtlashuvi aks etgan video tarqalgan edi. Mazkur holat yuzasidan Toshkent shahar maktabgacha va maktab ta`limi boshqarmasi Matbuot xizmati rasmiy munosabat bildirildi.
Ma`lum qilinishicha, mushtlashuv aks etgan bu voqea joriy yilning 15 mart kuni Olmazor tumanidagi 134-maktabning orqa tomonidagi stadionda yuz bergan. Unda Maktabning 8-"B" sinf o`quvchilaridan bir guruhi Amerika kinosiga taqliddan o`zaro "mushtashuv" uyushtirib, tasvirga olganligi aniqlangan.
Shundan so`ng maktab ma`muriyati o`quvchilar hamda ularning ota-onalari bilan muloqot o`tkazgan.
"O`quvchilar bu xatti-harakatlari uchun kechirim so`ragan. Ularning o`zaro munosabatlari do`stona, darslarda muntazam qatnashib kelmoqda",- deyiladi xabarda.
Hozirda Olmazor tumani IIO FMB xodimlari tomonidan tergov-surishtiruv harakatlari boshlangan.
