Prezident Shavkat Mirziyoev va Qozog`iston davlat rahbari Qasim-Jomart Toqaev mamlakatlarimiz o`rtasida diplomatik munosabatlar o`rnatilganining 30 yilligi munosabati bilan bir-biriga maktub yo`llaishdi.
Maktabularda o`tgan yillar mobaynida tomonlar mustahkam do`stlik, yaxshi qo`shnichilik va umumiy madaniy-tarixiy qadriyatlarga tayangan holda, chinakam strategik sheriklik ruhida mustahkamlanib borayotgan namunali davlatlararo munosabatlarni o`rnatishga muvaffaq bo`lingani ta`kidlangan.
"Oliy darajadagi faol va ishonchli muloqot, savdo-iqtisodiy va madaniy-gumanitar sohalardagi hamkorlikning jadal rivojlanib borayotgani bu fikrni tasdiqlaydi.
Birgalikdagi sa`y-harakatlar bilan ko`p tomonlama formatda Markaziy Osiyoning barqaror o`sishi, barqarorligi va xavfsizligini ta`minlash bo`yicha umumiy maqsadlarni muvaffaqiyatli ilgari surmoqdamiz.
Qardosh xalqlarimizni yaqinlashtirishda Sizning ulkan shaxsiy hissangiz hamda ko`p qirrali aloqalarimizni yanada mustahkamlashga samimiy intilishingizni alohida ta`kidlamoqchiman.
O`z tomonimdan, Siz bilan Qozog`iston-O`zbekiston munosabatlarini yangi cho`qqilarga olib chiqish bo`yicha yaqin hamkorlik qilishga tayyor ekanligimni tasdiqlayman. Ittifoqchilik munosabatlari to`g`risidagi shartnomani imzolash to`g`risidagi tarixiy qarorimiz bilan buni tasdiqlaydi.
Sizga, muhtaram Shavkat Miromonovich, mas`uliyatli davlat faoliyatingizda yangidan-yangi muvaffaqiyatlar, qardosh O`zbekiston xalqiga farovonlik va farovonlik tilayman.
Ehtirom ila,
Qasim-Jomart Toqaev"
Ushbu maktubga javoban Shavkat Mirziyoev tomonidan yo`llangan xatda o`tgan davrda ahamiyatga molik salmoqli natijalarga erishilganligi, xalqlarning o`zaro do`stlik rishtalari yanada mustahkamlanib, davlatlar o`rtasidagi keng qamrovli munosabatlarning huquqiy negizi va samarali institusional mexanizmlari yaratilgani qayt etilgan.
"Aloqalarimiz so`nggi yillarda o`zaro ishonch, yuksak qurmat-ehtirom, bir-birini qullab-quvvatlash va yaxshi qo`shnichilik, strategik sheriklik va ittifoqchilik tamoyillari asosida jadal sur`atlar bilan rivojlanib bormoqda.
Oliy va yuqori darajada o`rnatilgan ochiq, konstruktiv va faol muloqotlarimiz hamda davlatlararo va hukumatlararo munosabatlarimizni tartibga soluvchi samarali amaliy mexanizmlar o`zaro manfaatli hamkorligimizni kuchaytirishda mustahkam asos bo`lib xizmat qilayotganini aloqida ta`kidlashni istardim.
Shuni ham qayd etish o`rinliki, joriy yilning 21-23 noyabr kunlari Ostona shahrida o`tkaziladigan O`zbekiston madaniyati kunlari bayram tantanalari mushtarak tarixga ega ikki qardosh xalq o`rtasida o`zaro do`stlik va hamjihatlik rishtalarini yanada jipslashtirishga xizmat qilishi shubhasiz.
Aminmanki, birgalikdagi dadil qadamlarimiz bilan uzluksiz rivojlanib borayotgan keng ko`lamli hamkorlik aloqalarini bundan keyin ham birodar xalqlarimiz farovonligi yo`lida yangi, yuksak marralarga olib chiqishga qodirmiz.
Munosabatlarimiz solnomosidagi ushbu muhim sana munosabati bilan Sizni yana bir bor qutlab, mustahkam sog`liq, baxt-saodat va mas`uliyatli davlatchilik faoliyatingizda ulkan zafarlar, qardosh Qozog`iston eliga tinchlik-osoyishtalik, ravnaq va bardavom taraqqiyot tilab qolaman.
Ehtirom ila,
Shavkat Mirziyoev"
