Toshkentdagi IT-park binosida yong`in sodir bo`ldi, deb xabar beradi Favqulodda vaziyatlar vazirligi matbuot xizmati.
Qayd etilishicha, 23 noyabr kuni soat 11:12 da Mirzo Ulug`bek tumani «Olimlar» MFY Shahriobod ko`chasida joylashgan ko`p qavatli binolarning birida yong`in sodir bo`layotgani to`g`risida shahar FVBga xabar kelib tushgan.
Shunga ko`ra 3 ta yong`in-qutqaruv ekipaji soat 11:15 da voqea joyiga etib borgan va yong`in soat 11:25 da o`chirilgan.
Yong`in natijasida 24 qavatli qurilishi tugallanmagan IT-park binosining 21-qavatida taxminan 5 kvadrat metr maydonda penoplast qoldiqlari yonib zararlangan. Yong`in natijasida qo`shni binolarga zarar etmagan.
"Hodisa oqibatida tan jarohati olgan va halok bo`lganlar yo`q. Hozirda yong`inning kelib chiqish sababi va moddiy zarar miqdori aniqlanmoqda", deyiladi xabarda.
