KXDR tashqi ishlar vaziri Choy Song Xi BMT Bosh kotibi Antoniu Guterrishning Koreya yarimoroli atrofidagi vaziyatga noxolis munosabatidan afsusda ekanligini bildirdi va uni “AQShning qo`g`irchog`i”deb atadi. Bu haqda zamon.uz sayti xabar berdi.
“Xalqaro hamjamiyat Koreya yarimoroli hamda mintaqada tinchlik va barqarorlikni saqlash uchun barcha ofatlarning manbai bo`lgan Qo`shma Shtatlarning provokasion harakatlarini cheklash va to`xtatish muhimligi haqida baland ovozda gapirishi kerak. Bosh kotib AQSh qo`g`irchog`i ekanligidan dalolat beradi.
Oxirgi paytlarda men BMT Bosh kotibini Oq uy yoki Davlat departamenti xodimi bilan tez-tez adashtiraman. U bunday ayanchli yondashuvni tanlaganidan chuqur afsusdaman, bosh kotib o`z maqsadlari va tamoyillarini unutib qo`ygan. BMTning vazifasi xolislik va adolatni saqlash ”, - dedi Choy Song Xi.
Uning tushuntirishicha, 18 noyabr kuni Antoniu Guterrish yana “KXDRning o`zini himoya qilish huquqidan adolatli foydalanishni provokasiya” deb atadi.
KXDR TIV rahbarining ta`kidlashicha, yil davomida AQSh va uning ittifoqchilari yarim orolda turli “yadroviy strategik qurollar”ni qo`llagan holda KXDRga qarshi “yadro urushi uchun repetisiyalar” o`tkazgan, bu esa keskinlikka olib kelgan.
18 noyabr kuni BMT Bosh kotibi Antoniu Guterrish Shimoliy Koreyaning yangi qit`alararo raketa uchirilishini qoraladi va Pxenyanni Koreya yarim orolida tinchlikka erishish uchun muloqotni qayta boshlashga chaqirdi.
