Joriy yilning 10 - 11 noyabr kunlari Samarqand shahrida o`tkazilishi rejalashtirilgan Turkiy davlatlar tashkilotining birinchi sammiti munosabati bilan Samarqand shahriga kirish yo`llari vaqtinchaklik yopiladi.
Bu haqda viloyat IIB xabar bermoqda.
Qayd etilishicha, viloyat hududidan tranzit o`tuvchi transport vositalari uchun aylanma harakat tashkil etilganligini va maxsus flayerlar ishlab chiqilgan.
"Haydovchilar flayerdagi QR kod orqali yo`llarda harakatlanishlari uchun ruxsat etilgan aylanma yo`llardan mobil ilova orqali ham ko`rishlari mumkin.
Hurmatli yurtdoshlar va yurtimiz mehmonlari belgilangan tartib va qoidalarga so`zsiz amal qilishingizni so`rab qolamiz", — deyiladi xabarda.
