Bu haqda AOKAda Sudyalar oliy kengashi mutasaddilari ishtirokida o`tkazilgan matbuot anjumanida ma`lum qilindi.
Qayd etilishicha, 2021 yilda viloyat va unga tenglashtirilgan sudlar faoliyati o`rganilib, kamchilikka yo`l qo`ygan 220 nafar sudya intizomiy javobgarlikka tortildi. Bundan tashqari 19 nafar sudyaning vakolati muddatidan ilgari tugatilib, vazifasidan ozod etildi.
2022 yilning birinchi choragida esa 22 nafar sudyaning vakolati muddatidan ilgari tugatilib, vazifasidan ozod etilgan bo`lsa, intizomiy javobgarlikka tortilganlar 80 nafarni tashkil etadi.
