Portugaliya terma jamoasi sardori Krishtianu Ronaldu Turkiya (3:1) ustidan qozonilgan g`alabadan so`ng, o`z fikrlari bilan o`rtoqlashdi.
"Asosiy maqsadimiz — Jahon chempionatiga chiqish. Bu maqsad yo`lida katta qadamni tashladik. Ammo hali hech narsa yutmadik. Asosiy vazifani bajarganimiz yo`q. Olg`a, Portugaliya. Maqsad — Qatar-2022", — deya fikr qoldirgan Ronaldu ijtimoiy tarmog`ida.
Ma`lumot uchun, Portugaliya terma jamoasi 29 mart kuni Shimoliy Makedoniyaga qarshi uchrashuvda JCh yo`llanmasi uchun kurashadi. G`olib Qatarga yo`llanma beruvchi chiptalardan birini qo`lga kiritadi.
