Belarus aviakompaniyasining “Belavia” reysi texnik nosozlik tufayli samolyot parvozni to`xtatib, Belarus poytaxti aeroportiga qaytishga majbur bo`lganidan so`ng yana Minskdan Toshkentga uchdi. Bu haqda Minsk aeroportining veb-saytida xabar berildi.
Ma`lum qilinishicha, soat 20.15 da Minsk aeroportidan Toshkentga uchgan Belarus aviakompaniyasining Boeing 737-800 samolyoti respublika chegarasiga etib bormay, ortiga burilib, Belarus aeroportidan uncha uzoq bo`lmagan joyda aylana boshlagan. Minsk aeroportining xabar berishicha, ekipaj texnik sabablarga ko`ra qaytishga qaror qilgan. Seshanba kuni soat 23:30 da Boeing-737 Belavia Minsk milliy aeroportiga eson-omon qo`ndi. Qo`nish odatdagidek bo`lib o`tdi. Aviakompaniya hozircha vaziyatga izoh bermadi, biroq uning rasmiy saytida Toshkentga parvoz 00.30 ga ko`chirilgani haqida xabar paydo bo`ldi.
Aeroportning onlayn tablosiga ko`ra, Belavia samolyotining Toshkentga haqiqiy jo`nashi soat 1.27 da sodir bo`lgan.
