Ayni kunlarda Toshkent viloyatida Rossiya Federasiyasi ish beruvchi kompaniyasi vakillari tomonidan qurilish sohasining turli yo`nalishlari bo`yicha tanlov o`tkazilmoqda.
Bu haqda Tashqi mehnat migrasiyasi agentligi ma`lum qildi.
Qayd etilishicha, onlayn ravishda olib borilayotgan bu tanlovda tuman va shaharlardan 200 dan ortiq fuqaro qatnashmoqda.
Ma`lumot uchun, ushbu tanlovdan o`tgan fuqarolarga Rossiyada ishlash huquqini beruvchi patent O`zbekistonda rasmiylashtirilishi hamda tibbiy ko`rikdan o`tkazish, emlash, patent rasmiylashtirish, transport, yashash xarajatlari ish beruvchilar tomonidan qoplanishi ko`zda tutilgan.
