FlyDubai aviakompaniyasining samolyoti 19 martdagi aviahalokatdan so`ng birinchi marta Rostov-Dondagi aeroportga qo`ndi, deb xabar beradi “Lenta.ru”.
Layner mahalliy vaqt bilan 00:46da jadvaldagi vaqtdan 24 daqiqa oldin qo`nishni amalga oshirdi.
Yo`lovchilarning aksariyati Birlashgan Arab Amirliklarida dam olib qaytayotgan rossiyalik sayyohlar bo`lgan.
Ma`lumot uchun, 19 mart, shanba kuni Dubaydan Rostov-Donga parvoz qilgan, bortida 62 nafar kishi bo`lgan “Boing 737-800” samolyoti halokatga uchradi.
