Fransiyaning Parij shahrida Air France kompaniyasiga tegishli laynerning qanotidan besh metr uzoqlikda uchuvchisiz samolyot uchib o`tdi. Bu haqda “Vesti” xabar bermoqda.
Ma`lumotlarga ko`ra, yo`lovchi samolyoti Sharl de Goll aeroportiga qo`nish uchun pastlayotgan edi.
Fransiya OAVlari mazkur hodisa yuz berganidan 16 kun o`tibgina xabar berdi.
Rasman bu haqdagi ma`lumotlar Fransiya qidiruv byurosi hisobotidan so`ng ya`ni 4 mart kuni e`lon qilindi.
Yo`lovchi samolyoti bortida o`shanda 160 nafar yo`lovchi bo`lgan. Samolyot uchuvchisining aytishicha, uchuvchisiz samolyot yo`lovchi samolyotiga juda yaqin masofada uchib o`tgan.
Asosan qidiruv-qutqaruv ishlarida qo`llaniladigan uchuvchisiz samolyotlarning tezligi soatiga 50 kilometrni tashkil etadi.
