Italiya kassasiya sudining ma`lum qilishicha, avtomobildan taralayotgan musiqaning ovozi baland bo`lsa, u “shovqindan ifloslanish” tushunchasiga mos keladi. Bu esa avtomobil haydovchisini jinoiy javobgarlikka tortish uchun asos bo`ladi. Bu haqda “Lenta.ru” xabar bermoqda.
Sudning bunday qaror chiqarishiga mamlakat hududida bundan ikki yil avval yuz bergan hodisa sabab bo`ldi. Messina shahrida polisiyachi baland ovozdagi musiqa yangrayotgan mashinalardan birini to`xtatadi. Mazkur mashinaga uchta ovoz kuchaytirgichli stereotizim o`rnatilgan edi.
Instansiya sudi haydovchini uxlayotgan odamlarga halaqit berishda aybladi va undan “shovqindan ifloslanish” uchun jarima undirdi.
Kassasiya sudi instansiya sudi qarorini o`zgarishsiz qoldirdi va haydovchini 300 evro jarima to`lashga majbur qildi. Bundan tashqari qoidabuzar sud ishlari uchun 1000 evro to`ladi hamda uning avtomobilidagi ovozkuchaytirgichli stereotizim musodara qilindi.
