Italiyada kuchli shamol, yog`ingarchilik va suv toshqini bilan kechayotgan noqulay ob-havo sharoiti hukm surmoqda. Buning oqibatida besh kishi hayotdan ko`z yumdi. Bu haqda “Vesti” nashri xabar bermoqda.
Mamlakat janubidagi Kalabriya shahrida 51 yoshli erkak kishi ildizi yumshab qolgan daraxtning avtomobiliga qulashi oqibatida halok bo`lgan. Shunga o`xshash holatlar oqibatida Kampaniya viloyatining Kazerta tumanida yashovchi ikki kishi ham halok bo`lgan. Yana bir kishi esa kuchli yomg`ir yog`ishi natijasida yuzaga kelgan botqoqqa botib qolgan avtomobilidan tusholmay vafot etgan. Tabiiy ofatning beshinchi qurboni daryoga cho`kib ketgan veronalik fuqaro bo`ldi.
Kuchli shamol natijasida qulab ketgan daraxt yosh bolaning ustiga tushigan. Oqibatda bolakay jiddiy jarohat olgan. noqulay ob-havo sharoiti tufayli Pemont shahrida poezd relsdan chiqib ketgan. Neapol hamda Iskya va Kapri shaharlari orasida aloqalar uzilib qolgan.
Sinoptiklarning xabar berishlaricha, noqulay ob-havo sharoiti 29 fevralga qadar davom etadi.
