"Barselona" jamoasi hujumchisi Neymar Ispaniya fuqaroligini olishga qaror qildi.
Yaqin orada 24 yoshli futbolchining Ispaniyaga kelganiga uch yil bo`ladi. Bu esa, unga Ispaniya fuqaroligini olish imkonini yaratadi. Ushbu ma`lumotni Neymarning agenti Vagner Ribeyro ham tasdiqlagan.
Qayd etish joizki, kelib chiqishi braziliyalik bo`lgan yana bir futbolchi – Diego Kosta “Atletiko” safida to`p surayotgan paytida Ispaniya fuqaroligini olgan. Ayni damda u Londonning “Chelsi” klubida faoliyat olib bormoqda.
