Luis Suares klublar o`rtasida JChda xet-trikga erishgan dastlabki futbolchiga aylandi

Kataloniyaning “Barselona” jamoasi hujumchisi Luis Suares klublar o`rtasidagi Jahon chempionatida “Guanjchou Evergrand”ga qarshi o`yinda xet-trik qayd etdi.

Shu tariqa Luis Suares 2000 yilda tashkil etilgan musobaqada xet trik qayd etishga muvaffaq bo`lgan ilk futbolchiga aylandi. Ushbu musobaqaning ilgarigi formatida 1962 yilda "Santos" hujumchisi Pele uchta gol kirita olgan edi.