“Барселона” клуби ҳужумчиси Луис Суарес “Ливерпуль” афсонаси Стивен Жеррарднинг хайрлашув учрашувидан сўнг ўз фикрларини билдириб ўтди. Бу ҳақда sports.uz нашри хабар баради.
- "Футболда олдиндан ҳеч нарсани башорат қилиш мумкин эмас. Олдинда сени қандай тақдир кутаётганини билишнинг ҳам иложи йўқ. Агар менга вақти келиб яна Англияда ўйнаш насиб этса, фақат “Ливерпуль”да ўйнайман. Мен бугун Торрес билан бирга ўйнаганимдан жуда ҳам хурсандман. “Ливерпуль”га янги келган пайтимда у билан ўйнашни орзу қилардим, лекин мен жамоага келганимда у бошқа клубга ўтиб кетган эди. Бугун ниҳоят Торрес билан бирга ўйнашга муваффақ бўлдим. Бундан жуда ҳам хурсандман", - дейди Суарес.
Эслатиб ўтамиз, кеча “Ливерпуль” жамоаси афсоналари Стивен Жеррард ва Жейми Каррагер клуб томонидан уюштирилганҳайрия учрашувида ўзаро баҳс боришди. Мазкур ўйинда жанговар 2:2 ҳисоби қайд этилди.
