Бугун профессионал теннисчиларнинг ҳафталик янги рейтинги эълон қилинди. Кеча Вроцлавдаги турнирда бош мукофотни қўлга киритган Фаррух Дўстов бир йўла 20 поғона кўтарилиб, илк бор ТОП-100дан жой олди. Айни пайтда мамлакатимизнинг иккинчи ракеткаси дунё рейтингида 98-ўринни эгаллаб турибди. Бу ҳақда olamsport.com хабар беради.
Ўзбекистоннинг биринчи рақамли теннисчиси Денис Истомин эса ўтган ҳафтадаги ўрни (65-ўрин)ни сақлаб қолди. Дунё теннисчилари рейтингини ҳамон катта фарқ билан сербиялик Новак Жокович бошқариб турибди. Кучли бешликдан швейцариялик Рожер Федерер, британиялик Энди Маррей, япониялик Кеи Нисикорилар жой олишган.
