Ригада “Олтин Карл-2015” Ҳалқаро цирк фестивали ўз ниҳоясига етди. Анъанага кўра, ушбу фестиваль Европанинг энг қадимий циркларидан бирида ўтказилади. Фестивалнинг бу йилги қатнашчилари ичида Ўзбекистон Давлат цирки ҳаво гимнатсикаси артисти Камила Ҳаметова ҳам иштирок этди ва у “ҳаво узуклари” билан қатнашиб бронза медалини қўлга киритди.
Айтиш лозимки, фестивалда жами 15 мамлакатдан 75 та цирк артистлари турли номерлар билан иштирок этишди. Улар қаторида Беларусия, Германия, Италия, Латвия, Литва, Мексика, Молдава, Украина, Россия, АҚШ, Ўзбекистон, Финляндия, Швейцария ҳамда Швецияни санаб ўтиш мумкин.
“Мен, мен учунқайғурган ва мени қўллаган барча инсонларга ўз миннатдорчилигимни билдирмоқчиман. 13 рақам остида иштирок этишимга қарамай, ўз номеримни бошидан охириша қадар хатосиз бажаришга эришдим. Бундай нуфузли фестивалда иштирок этиш мен учун шараф. Чунки унда ўта маҳоратли қатнашчилар ўз номерларини намойиш этишди” дейди оммавий ахборот воситаларига берган интервьюсида Камила Ҳаметова.
