Вертолётдан туриб олинган ушбу видео тасвирларда грециялик қутқарувчиларнинг 22 нафар кема экипажини қутқараётгани тасвирланган. Бу кема денгизда турган кучли тўфон туфайли қирғоққа чиқиб қолган.
Чоршанба куни бўш “Гуд фейтс” юк кемаси Афинадан узоқ бўлмаган Элефсино портидан Украинага йўл олган эди.
Тахминларга кўра кеманинг мотори ўчиб қолган ва кучли шамол уни Андрос оролига чиқариб ташлаган. Шундан сўнг, эрта тонгда қутқарув сигналлари жўнатилган.
Экипаж аъзоларининг барчаси воқеа жойига дарҳол етиб борган вертолёт ёрдамида қутқариб олинди. Бундан ташқари, кема туриб қолган қирғоққа учта қутқарувчи кема жўнатилди.
