Юлдузларнинг шахсий ҳаёти, бўш вақтда нималар билан шуғулланиши ҳақида уларнинг ижтимоий тармоқлардаги саҳифаларини кузатиш орқали хабардор бўлиш мумкин. Биз бугун Instagram ва Facebookка мўралаб, уларнинг қандай спорт турлари билан шуғулланиши ҳақида маълумот олишга ҳаракат қилдик, деб ёзади daryo.uz.
Лола спорт билан фаол шуғулланишини аниқладик: у ўз саҳифаларига тренажёр залида олинган кўплаб суратларини жойлаган.
Бундан ташқари, хонанданинг яна бир сурати унинг йога билан ҳам шуғулланиб туришини ошкор этди.
Фото: Instagram / @lolaofficial_
Йога борасида Севара Назархонга тенг келадигани бўлмаса керак. У ўз Instagram’ига жойлаган суратига тонгни йога билан қарши олишини қайд этган.
Фото: Instagram / @sevara_nazarkhan
Бошқа бир расмда эса унинг мураккаб машқларни бажараётганини ҳам кўриш мумкин.
Фото: Instagram / @sevara_nazarkhan
Тренажёр залига боришни севувчилар орасида Райҳон ҳам бор. Instagram’да унинг табассум-ла машқ қилаётгани акс этган суратни топиб олдик.
Фото: Instagram / @rayhonganieva
DJ Piligrim — Илҳом Йўлчиев эса ўз Facebook’ига бокс билан шуғулланаётгани муҳрланган суратини жойлади.
Фото: Facebook / Ilkhom Yulchiev
Афсуски, эркак хонанда ва актёрлар бу борада пассив бўлиб чиқди. Улар ё спорт билан кам шуғулланади, ё бу жараённи суратга олиб, ижтимоий тармоқларга жойлашга ҳафсаласизлик қилади, деб ўйладик биз.
