Самарқанд вилояти Пайариқ тумани тиббий меҳнат экспертизаси раиси Толибжон Жўраев порахўрлиги учун 5 йилга озодликдан маҳрум этилди, дея хабар қилади 12news.uz
Ўзбекистон Бош прокуратурасига қарашли “Ҳуқуқ” газетасининг билдиришича, Жўраев оғир касалликдан кейин биринчи гуруҳ ногирони бўлиб қолган фуқаронинг яқинларидан ногиронлик муддатини узайтириш эвазига 800 минг сўм пора талаб қилган. Ногироннинг қўли калта яқинлари бу ҳақда ҳуқуқ идорасига хабар берган.
Хабар берилишича, туман тиббий меҳнат экспертизаси раиси Жўраев айтилган порани олаётганда ашёвий далил билан ҳибс этилган.
