Реквизит сўзи театр, кино, фильмларни суратга олишда фойдаланиладиган нарсалар, анжомлар демакдир. Голливудда ҳар йили бир неча минглаб фильмлар суратга олинади. Шундай фильмларнинг суратга олиш майдонларида сўзсиз риквизитлардан фойдаланилади. Уларни эса албатта, маҳсус ана шундай омборхоналардан олиб ишлатишади. Айтиш лозимки, бундай реквизит омборлари бир нечта. Фильмни суратга олаётган ижодкор ўзи истаган анжомни, келишилган нархда, келишилган фурсатга ижарага олиши ва фойдаланиши мумкин. Бу омборда озиқ-овқат кўринишидаги, бироқ истеъмол қилиб бўлмайдиган барча таомлар, эримайдиган музқаймоқлар, отмайдиган милтиқлар, ёрилмайдиган тўп ва шарлар, ҳарбийларга тегишли бўлган анжомлар ва хоказоларни осонгина топиш мумкин. Ҳа айтганча, омборхонада адашиб қолмасангиз бўлгани.
