Номаълум шахслар гуруҳи Ирландия пойтахти Дублин атрофида жойлашган омборга ўғриликка тушишди. Бу ҳақда Ирланд полицияси журналистларга хабар берган.
"Икки эркак қўлида темир билан омборга кирганида икки нафар ишчи бино ичкарисида бўлган”, - дейилмоқда ҳуқуқ-тартибот органлари баёнотида.
Полициянинг қайд этишича, уларга яна камида уч киши келиб қўшилган. Ишчиларнинг қўлларини боғлашган ва виски ҳамда бошқа ичимликларни ташиб кета бошлашган.
Натижада жиноятчилар омбордан иккита юк машинасида 15 480 дона Jameson вискиси, шунингдек, номаълум миқдорда Bombay Sapphire жин ва Jack Daniel's вискисини олиб чиқиб кетишган.
Ўғрилик 14 ноябр куни содир бўлган. Полициянинг тахмин қилишча, ўғрилар вискиларни рождества байрами кунлари қора бозорга чиқаришни мўлжаллаган. Ўғриланган алкогол маҳсулотларининг умумий нархи бир неча юз минг еврони ташкил этади, дея аниқлик киритмоқда "Интерфакс".
