Чет эл ОАВ берган маълумотларга кўра машхур қўшиқчи Жастин Тимберлейк компьютер чипларини ишлаб чиқаришга ихтисослашган AfterMaster йирик компаниясининг бир қисмини сотиб олган. Бу ҳақда www.spletnik.ru нашри хабар беради.
AfterMaster компанияси чиплари компьютер, планшет, смартфон, телевизор ва қулоқчинларга овозни яхшилаш, уни тиниқлаштириш учун ўрнатилади. Айтиш лозимки, айни дамда компания ўсишда давом этмоқда.
-Мен AfterMasterнинг бир қисми бўлганимдан хурсандман. Ушбу чипнинг одамларга тақдим этаётган имкониятларини синаб кўришим билан унга аъзо бўлишни, унинг бир қисми бўлишни, бир сўз билан айтганда бу лойиҳани қўллаб-қувватлашни истадим, дея фикр билдирди Жастин Тимберлейк.
