Эстрада хонандаси Муниса Ризаева Қозоғистонда бўладиган "Spirit of tengri" номли фестивалга меҳмон сифатида таклиф этилди. Ушбу мамлакатнинг машҳур радиостанцияси "Yuldiz FM"да қўшиқчи билан интервью ҳам уюштирилди.
“Popcorn” сайти ёзишича, Қозоғистоннинг номдор продюссерлик марказлари томонидан Мунисага ҳамкорликда ишлаш таклифи билдирилган. Хабарда айни пайтда бу таклифлар юзасидан музокаралар олиб борилаётгани айтилади.
Хонанда келишувга биноан Қозоғистон санъати олами вакилига айланадими ёки бошқа режаларни маъқул кўрадими? Бу саволлар ҳозирча очиқ қолмоқда.
