Япония технологияси асосида яратилган ушбу поезд магнит ёстиқчалари ёрдамида ҳаракатланади. Поезд Япониянинг уч йирик шаҳарлари – Токио, Нагоя ва Осакани боғлайди.
Бундай поездларни яна магнитли левитация иборасидан олинган “маглева” деб ҳам аташади. Унинг лойиҳаси “Chuo Shinkansen” деб номланади.
Таққослайдиган бўлсак, Калифорниянинг энг тез ҳаракатланувчи Сан Франциско, Лос Анжелес ва Сан Диегони боғлаб турувчи поезднинг энг юқори тезлиги соатига 350 километрни ташкил этади, деб хабар беради UzReport AA.
Маглева поезди магнит левитацияси ҳисобига темир йўл юзасида муаллақ туради ва рельсларга тегинмасдан ҳаракатланади. Поездда йўловчиларнинг бир марталик сиғими минг кишини ташкил этади. Дастлаб 100 нафар йўловчи билан синовдан ўтказилди, деб ёзади “Коммерсант” нашри.
