Никарагуада ҳукуматга қарши намойишларда иштирок этгани учун қамоққа олинган 100 га яқин маҳбуслар озодликка чиқди, дея маълум қилди Корреспондент.ру нашри.
Улар мухолифат ва ҳукумат ўртасида олиб борилган музокаралардан сўнг қўйиб юборилган. Томонларнинг олдига қўйган вазифа инқирозли вазиятни баратараф этиш йўлини топишдир. Ўтган йилнинг апрель ойидан буён Никарагуада ҳукуматга қарши исёнлар кузатилмоқда.
БМТ берган маълумотларга кўра, мамлакатда 300дан ортиқ одам зўравонлик туфайли қурбон бўлган. Шунингдек, 2 минг киши тан жароҳати олган.
