Хитойнинг Чунцин шаҳри яқинидаги тоғли худудда фалокатга учраган болакайнинг ҳаёти сақлаб қолинди.
Гап шундаки, 8 ёшли болакай тоғ ён-бағридаги чуқурлиги 10 метр бўлган ғорга тушиб кетган. Бола ўша ерда бир неча соат қолиб кетган. Шундан сўнг ҳудудга қутқарув гуруҳи етиб келди. Деярли ярим соат давом этган тезкор амалиётдан сўнг, у юқорига олиб чиқилган.
Бола бир неча жойидан унча жиддий бўлмаган жароҳат олган. Бироқ умумий аҳволи қониқарли экани хабар қилинмоқда.
