Бразилия полицияси 15 кишини уриб кетган юк машинаси ҳайдовчисига қидирув эълон қилди. Бу жараёнда Сан-Пауладаги черковга келувчилар, яъни ибодахона йўлагида турган одамлар жабр кўришган. Уларни уриб кетган машина ҳайдовчиси транспорт воситасини воқеа жойида қолдирган ва яширинган. Тартиб посбонлари машинадан кокаин, алкоголь ва марихуана моддаларини топишган.
Associated Pressнинг хабар беришича, 15 кишининг 7 нафари ёш болалар. Камида икки киши жиддий аҳволда касалхонага ётқизилган. Уларнинг бири 3 ёшли болакай.
Фалокат 8 ноябр куни кечқурун содир бўлган. Полиция маълумотига кўра, ҳайдовчи билан бирга яна икки киши бўлган. Улар ҳам худди ҳайдовчи каби қочиб кетишган. Аниқланишича, машина нафақат пиёдаларга зарар етказган, балки йўлида учрашан автомобилларни ҳам уриб кетган.
Ҳозирча полиция гумондорнинг исмини маълум қилмаган.
