Хитойнинг Юйшу-Тибет автоном округида совуқ об-ҳаво шароити ҳукм сурмоқда, деб хабар берди Вести нашри.
Ҳозирда ушбу ҳудудда ёққан қалин қор ва паст ҳарорат бир қатор муаммоларни келтириб чиқармоқда. Бу ҳолат, айниқса, фермерларга катта зарар олиб келмоқда. Ҳозирга қадар ўнлаб чорва моллари нобуд бўлди. Фермерлар эса ҳар куни қорамолларидан бири қаҳратон туфайли ҳалок бўлаётганидан ташвишда. Ҳозирда қор бўронлари сабабли ҳудуд ташқи дунёдан узилиб қолган.
