Актёр Бруно Ганц вафот этди, деб хабар қилмоқда FAZ нашри.
Цюрихда 78 ёшда швейцариялик актёр Бруно Ганц вафот этди.
Ганц 1941 йил 22 мартда Цюрихда дунёга келган.
“Берлин узра осмон” ва “Америкалик дўстим” фильмларидан сўнг Бруно машҳурликка эришган. У карьераси давомида Ридли Скотт, Фрэнсис Форд Коппола, Вернер Херцог каби машҳур режиссёрларнинг фильмларида суратга тушган.
Унинг охирги фильми режиссёр Ларс фон Триернинг “Жек қурган уй” триллери бўлди.
