Голливуднинг энг кўп ҳақ тўланадиган актёрларидан бири Дуэйн Жонсон “Оскар-2019” тақдирлаш маросимини олиб боришдан воз кечди, дея хабар бермоқда Кinonews.ru нашри.
Актёрнинг иш жадвали ўта тиғиз бўлгани учун шундай қарорга келган.
“Мен Академиянинг биринчи номзоди эдим. Мен бу шоуни ўта қизиқарли ва кўнгилочар тарзда олиб боришим лозимлигини тушунардим. Лекин иш жадвалим жуда ҳам зич эди. Айнан шунинг учун ҳам бошловчиликдан воз кечдим”, - дейди актёр.
Эслатиб ўтамиз, бундан аввалроқ актёр Кевин Харт “Оскар” бошловчилигидан воз кечган эди.
