CNN телеканалида жонли эфир вақтида титр орқали АҚШ президенти Барак Обаманинг ҳарбий томонидан ўлдирилгани ҳақида хабар берилди. Бу ҳақда Gazeta.ru маълум қилмоқда.
BuzzFeed компанияси мухбири Жон Пассантино Обаманинг ўлими ҳақида берилган янгиликнинг скриншотини ўзининг твиттерига жойлади.
Кейинроқ маълум бўлишича, CNN ходимлари АҚШ президентини «Ал Қоида» террорчилик гуруҳининг йўқ қилинган раҳбари Усама бин Ладен билан адаштириб юборган.
Янгиликда гап ғарбий ОАВлари маълумотига кўра SEAL («Денгиз мушукчалари») бўлимининг 2011 йил май ойида Покистонда олиб борилган махсус операция вақтида бин Ладенни ўлдирган 38 ёшли собиқ жангчиси Роб О’Нил ҳақида борган.
