Мэриленд осмонида вертолет ва самолет тўқнашиб кетди

Тўқнашув натижасида уч киши ҳалок бўлди, яна икки киши турли даражадаги жароҳат олди.

Пайшанба куни Мэриленд штати Фредерик шаҳри аэропорти устида ўқув вертолети ҳамда енгил моторли самолет тўқнашиб кетди, бу ҳақда маҳаллий полиция бошқармаси вакили хабар беради.

Тўқнашувдан сўнг ҳар икки техника воситаси ҳам ерга қулаб тушган. Воқеа сабаблари ўрганилмоқда, дея хабар беради ТАСС.