Президент Хоразмга ташрифини Шовот туманидан бошлади

Ўзбекистон Президенти Шавкат Мирзиёев 29 ноябрь куни Хоразм вилоятига ташриф буюрди, деб хабар берди Президент матбуот хизмати.

Ташриф давомида ҳудуддаги бунёдкорлик ишлари, саноат корхоналари фаолияти, транспорт ва туризм инфратузилмаси, таълим ва маданият муассасалари билан танишиш режалаштирилган.

Давлатимиз раҳбари Урганч халқаро аэропортидан Шовот туманига йўл олди.