Европа Иттифоқи унга аъзо давлатлар раҳбарлари иштирокида Европа Кенгашининг навбатдан ташқари йиғилишини ўтказди, деб хабар қилмоқда Segodnya.ua нашри.
Унда Буюк Британиянинг Иттифоқдан чиқиши бўйича келишуви тасдиқланди. Келишувдан ташқари, Brexit ҳақидаги ҳужжатлар пакетига Бирлашган Қироллик ҳамда Европа Иттифоқининг келгусидаги муносабатлари белгилаб берилган сиёсий декларация ҳам киритилган. ЕИнинг Brexit бўйича координатори Мишель Барньенинг айтишича, Евроиттифоқ ҳамда Буюк Британия кейинги музокараларни 2019 йилнинг 30 мартидан, яъни Британиянинг ЕИ таркибидан чиққандан бир кун ўтиб бошлаши мумкин.
