Бундан 6 йил аввал Нидерландиянинг Роттердам шаҳридаги галереядан ўғирлаб кетилган Пабло Пикассонинг “Арлекиннинг боши” номли асари Руминиядан топилди, дея хабар қилди ТАСС нашри.
Баҳоси 800 минг евролик ушбу асар Бухарестдаги Нидерландия элчихонасига топширилган. Ушбу асар 2012 йил октябрь ойида жиноий тўда томонидан 7 та бошқа асарлар билан бирга ўғирлаб кетилган эди. Мазкур ҳолат юзасидан 3 нафар Руминия фуқароси қўлга олинган. Ҳозиргача рўйхатдаги ўғирланган суратларнинг қолганлари топилганича йўқ.
