Ўзбекистон Республикаси Президенти томонидан имзоланган ҳужжатга асосан иккита йирик маҳаллий қишлоқ хўжалиги машинасозлик корхоналари–“Тошкент трактор заводи” ва “Чирчиксельмаш” ёпилади. Уларнинг негизида “Тошкент қишлоқ хўжалиги техникаси заводи” ва “Чирчиқ қишлоқ хўжалиги техникаси заводи” яратилади. Бу ҳақида podrobno.uz хабар беради.
Биринчиси трактор, тиркама ва пахта териш машиналарини ишлаб чиқариш билан, иккинчиси замонавий навесли ва тиркамали қишлоқ хўжалиги техникасини ишлаб чиқариш билан шуғулланади. “Агрегат заводи” “Чирчиқ қишлоқ хўжалиги техникаси заводи”га ўз технологияларининг бир қисми ва ишлаб чиқарилаётган махсулот номенклатурасини беради. Эндиликда “Агрегат заводи”да фақатгина қишлоқ хўжалиги техникаси учун компонент ва эхтиёт қисмлари ишлаб чиқарилади.
