Вьетнамлик беш ёшли болакай Ле Нгуен Бао Трунг икки ёшлигида ота-онаси учун ёт-бегона бўлган тилда сўзлай бошлаб ҳаммани тонг қолдирди, дея хабар қилмоқда Рамблер нашри.
Ҳамма Бин деб атайдиган бу болакай ўз она тилида эмас, балки инглиз тилида сўзлайди.
Илк бор тили чиққанидан бери инглиз тилида сўзлайдиган болакайдаги бу феномен ҳозирча номаълумлигича қолмоқда. Шу аснода болакай инглиз тилида бемалол сўзлашади, ёзади ва мутолаа қилади. Ўз она тилини эса, яқинлари билан мулоқот қилиши учун, синчиклаб қунт билан ўрганишига тўғри келмоқда.
