Аҳолини фармацевтика маҳсулотлари билан таъминлаш тизимини янада такомиллаштириш чора-тадбирлари тўғрисидаги Ҳукумат қарори қабул қилинди. Бу ҳақида Адлия вазирлигининг “Ҳуқуқий ахборот” канали маълум қилди.
2019 йил 1 июлдан фармацевтика маҳсулотлари ҳаракатини назорат қилиш ва ҳисобга олишнинг ахборот тизими тажриба шакли жорий қилинади.
Ушбу тизим фармацевтика маҳсулотлари ҳақида батафсил ахборот олиш, электрон рецепт орқали фармацевтика маҳсулотларини шифокорлар томонидан тайинлаш тизимини жорий қилиш имкониятини беради.
Ахборот тизимини “UZINFOCOM” МЧЖ ишлаб чиқади.
21.09.2018 05:50
Фармацевтика маҳсулотлари шифокорлар томонидан электрон рецепт орқали тайинланади
