Машхур дизайнер Роберто Кавалли бир неча кун олдин қизи Кристина Каваллини турмушга берди. Бу ҳақда дизайнернинг ўзи оммавий ахборот воситаларига хабар берди, деб ёзади ru.hellomagazine.com нашри.
“У ўзи кўнгил қўйган инсонга турмушга чиқди. Одамлар орасида мени жуда яхши танишларини биламан, аммо тан олиб айтишим керакки, гарчи барчанинг назарида машхур инсон бўлиб, кўчиликка нафим теккан бўлсада, қизим Кристинага жуда кам вақт ажратганман, мен унинг чинакамига бахтли бўлишини истайман” - дейди журналистларга берган интервьюсида Кавалли.
Эслатиб ўтамиз, Кристина Роберто Каваллининг биринчи турмуш ўртоғи Сильванелла Жианнонининг қизларидир. Улар 1964 йилда турмуш қуришган ва биргаликда 10 йил ҳаёт кечиришган. Кристинанинг Томассо исмли укаси ҳам бор.
