2,5 минг кишининг умрига зомин бўлган Эбола вируси тарқалиши муносабати билан Сьерра-Леоне ҳукумати 19 сентябрь кунидан бошлаб уч кунлик каратин эълон қилди. Бу ҳақда Франс Пресс агентлиги хабар беради.
19 сентябрь кунидан бошлаб, вирусни юқтириб олмаслик учун шифокор ва миллий хавфсизлик ходимларидан ташқари барчага уйдан чиқмаслик тавсия этилди. Уч кунлик профилактика давомида 30 мингга яқин волентер ҳудудлардаги аҳолига вирус билан курашиш йўллари бўйича бир қатор ўқув тадбирларини ўтказишади.
Эбола вирусининг Ғарбий Африка мамлакатларида тарқалиши давом этмоқда. Ҳозирда вирус Либерия, Сьерра-Леоне, Гвинея, Нигерия, Конго Демократик Республикаси ва Сенегал мамлакатларида қайд қилинди. Хабарда ёзилишича, вирус билан касалланганларнинг 53 фоизи ҳалок бўлмоқда. ЖССТ маълумотларига кўра, 2622 киши вирус қурбони бўлишган, 5335 киши эса вирус билан касалланган.
