Аргентинада 1969 йилдан буён фамилияни исм сифатида ишлатиш қонунан тақиқланган.
Аргентиналик оила мамлакат терма жамоаси сардори Лионел Месси шарафига, ўғлига Месси исмини бериш учун рухсат олди. Бу ҳақда "РИА Новости" хабар беради.
Фамилияни исм сифатида ишлатишни тақиқловчи қонун кучдалиги муносабати билан гўдакнинг отаси шаҳар ҳукуматидан махсус рухсатнома олишга мажбур бўлди.
“Бу бизнинг фарзандимиз ва биз унга истаган исмни берамиз. Рўйхатдан ўтказиш орган ходимлари бизга бу уларнинг муаммоси эмаслиги ва нима сабабдан биз бу исмни беришимиз сабабини хат тариқасида ёзиб, марка тўловини амалга оширишимиз кераклигини айтишди. Биз хаммасини бажардик ва рухсат олдик”,-дейди гўдакнинг отаси. Шу тариқа гўдакка Месси Даниел Варела исми берилди.
Отанинг айтишича, ўғли туғилмасидан аввал у қизлик бўлган. “Беш ёшли фарзандимиз ҳам бор. Биз унга Месси исмини бермоқчи эдик. Аммо, қиз туғилганди. Яратганга шукр ва ниҳоят оиламизда Месси туғилди”,-дея қайд қилиб ўтди ота.
