Муборакнинг “Машъал” клуби бугундан йиғин ўтказиши керак эди, аммо, бугундан бошланиши керак бўлган йиғин бироз кечиктирилгани ҳақида клуб расмий твиттер саҳифасида хабар қилинган.
"Асосий таркиб жамоамиз бугундан бошланиши керак бўлган машғулотларни баъзи сабабларга кўра тўхтатиб туради", - дейилади ушбу хабарда. Маълумотда нима учун жамоа йиғин кечиктирилгани борасида хабар берилмади. Расмий сайтда ҳам, твиттердаги саҳифасида ҳам бу борада аниқ маълумот тарқатилмаган.
Championat.Asia сайтининг хабар беришича, “Машъал” футболчилари жамоа йиғинига боришни истамаган. Шунингдек, футболчилар 5 сентябрь Тошкентда “Локомотив”га қарши бўлиб ўтадиган учрашувга ҳам келмаслиги мумкин.
“Хабарни аниқлаштириш учун клуб футболчилар билан боғланганимизда жамоа йиғинига боришни истамагани ҳақида айтиб ўтди. Бугундан бошланиши керак бўлган йиғинга биронта футболчи ташриф буюрмаган. Бунинг сабабларини футболчилар ҳам маълум қилмаган”,-дейилади сайт хабарида.
Ушбу вазият юзасидан клуб маъмурияти томонидан ҳеч қандай расмий изоҳ берилмаган.
