Машҳур актриса Одри Хепберннинг катта набираси Эмма Феррер айни дамда 20 ёшда. Ёш бўлишига қарамай моделлик фаолиятини бошлаган қизалоқ эндиликда глянц журналларининг муқовасида чиқа бошламоқда.
Day.Az нашрининг хабар беришича, у Harper`s Bazaar журнали учун махсус фотосессияга таклиф этилган. Стилистлар Эмма учун 1960 йиллардаги энг қимматбаҳо ва гўзал саналган кийимлар тўпламини танлашган. Бундай либос тўпламларини унинг бувиси латофатли актриса Одри Хепберн ҳам кийган. Эслатиб ўтамиз, Эмма Феррернинг бувиси Одри Хепберн актриса, гуманитар арбоб, фотомодель, БМТнинг илк кўнгилли элчиларидан бири саналган. У 1954 йили “Рим таътиллари” фильмидаги энг яхши аёл образи учун "Оскар" мукофотига сазовор бўлган. Шунингдек, “Сабрина”, “Тиффаниникидаги нонушта” каби яна ўнлаб ажойиб фильмлардаги роллари билан мухлислари қалбидан ўрин эгаллаган.
