Россия президенти Владимир Путин 2018 йилги футбол бўйича жаҳон чемпионатида спортчилар, ҳакамлар, мураббийлар ва ҳатто мухлисларга Россияга визасиз ташрифни ваъда қилди.
Ҳозирда Жаҳон чемпионати ташкилотида иштирок этаётган чет элликлар учун ижтимоий имтиёзли виза тартиби тўғрисида федерал қонун қабул қилинган. “Мусобақа даврида нафақат расмий иштирокчилар - спортчилар, ҳакамлар, мураббийлар ва ҳатто футбол мухлислари ҳам Россияга визасиз ташриф буюришлари мумкин бўлади”,-деди Владимир Путин “ИТАР-ТАСС” агентлигига берган интервьюсида.
Шунингдек, президент ушбу тартиб футбол мусобақалари тарихида илк бор кузатилишини ҳам қайд қилиб ўтди.
Эслатиб ўтамиз, Владимир Путин 13 июль куни Бразилияда бўлиб ўтаётган футбол бўйича жаҳон чемпионати финал учрашувига кейинги жаҳон чемпионатини қабул қилувчи мамлакат раҳбари сифатида ташриф буюради.
Финал учрашувидан сўнг эстафетани Россия қабул қилиш маросими бўлиб ўтади.
