​ПАЗАНДАЛАР УЧУН 12 ТАВСИЯ

• Масаллиқлари аралаштирилган оширма хамирли пирогни дарҳол газ печига қўйишга шошилманг. 15 дақиқа қолипга солинган ҳолича турса, хамир яхши кўтарилади.
• Агар газ печидаги пирогнинг юзаси қизариб, хамири етилиб пишмаган бўлса, пишириқ устини оқ қоғоз билан ўраб қўйинг.
• Кекс хамирини тайёрлаётганда маргарин ўрнига ўсимлик ёғини ишлатиб кўринг. Бу ёғ билан пишириғингиз юмшоқ ва ғоваксимон кўринишда чиқади.
• Уваланувчи хамирдан тайёрланган пишириқ юзасига аталанган тухум суртилса, газ печида шаклини йўқотмайди.
• Газ печи патнисини совуқ сув билан чайиб, сўнг устига қатлама хамирдан тайёрланган пишириқни териб чиқинг. Шунда таги қизариб кетмайди.
• Бисквит хамири солинган қолип атрофига сариёғ суртиб қўйилса, ширинлик пишганидан сўнг чўкиб қолмайди.
• Бир кун аввал тухум сариғини аталаб, озроқ туз билан аралаштириб қўйинг. Эртасига эса бисквит тайёрлашда фойдаланинг. Бу усул ёрдамида кекс хамири сариқ тус олади.
• Оширма хамир тайёрлашда хамиртурушни озроқ шакар билан аралаштириб, сўнг қолган масаллиқларга қўшсангиз, таъсири яхшироқ бўлади.
• Пишириқ хамири тайёр, бироқ газ печи яхши қизимаган. Бу вазиятда хамир солинган қолип ёки патнис юзасини намланган сочиқ билан ўраб қўйиш лозим. Шунда хамир чўкиб қолмайди.
• Қаймоқли крем тайёрлаётганда миксернинг айланишт тезлигига диққат қилинг. Агар миксер кўпиртиргичининг изи қаймоқ юзасида билинса, демак крем маромига етган саналади. Узоқ кўпиртирилганида эса қаймоқ билан шакар ажралиб қолиши мумкин.
• Пирожкилар эртасига ҳам юмшоқлигини йўқотмаслиги учун юзасига сариёғ суртиб қўйинг.
• Безатилган торт таъми ва кўринишини йўқотмаслик учун у сақланаётган жойда олма ёки лимон пўсти бўлиши лозим.