2018 ЙИЛДА ОЛИЙ ТАЪЛИМ МУАССАСАЛАРИГА 800 МИНГДАН ОРТИҚ АБИТУРИЕНТ ҲУЖЖАТ ТОПШИРИШИ КУТИЛМОҚДА

Сўнгги йилларда олий таълим муассасаларига кириш истагида бўлган абитуриентлар сони кескин ортиб бормоқда. Йилдан йилга ўсиш ўртача 10 фоизни ташкил этиб, хусусан, 2016 йилда 663 минг, 2017 йилда 729 мингдан зиёд абитуриент олий таълим муассасаларига ҳужжат топширган. Таҳлилларга кўра, 2018 йилда олий таълим муассасаларига 810 мингдан ортиқ абитуриент ҳужжат топшириши кутилмоқда.